Litium-ontginning uit Zimbabwiese petaliet met behulp van ammoniumbifluoried

Lithium extraction from Zimbabwean petalite using ammonium bifluoride

Abstract

Hierdie studie behels die ontginning van gramhoeveelhede Li₂CO₃ uit Zimbabwiese petaliet, gemyn in die Bikita-gebied. Ekstraksie is gedoen met behulp van ammoniumbifluoried (ABF), vanaf kamertemperatuur tot 600 °C. ABF-vertering vervang die konvensionele hoëtemperatuurproses vir die omsetting van die mineraal na β-spodumeen voor suurbehandeling. Die ABF-proses vind by verrassende lae temperature plaas – selfs by kamertemperatuur word floddervorming waargeem as gevolg van die water wat tydens die reaksie vorm. Onder die smeltpunt van ABF is die hoofreaksieprodukte LiF, AlF₃, K₂NaAlF₆, en (NH₄)₂SiF₆. (NH₄)₂SiF₆ ontbind geredelik om ammoniak en gasagtige SiF₄ te vorm. By laer temperature is die produkte kriolitioniet (Li₃Na₃Al₂F1₂) and eukriptiet (LiAlSiO₄). Die fluoriedhoudende vastestowwe is swak oplosbaar in water. Die mengsel moet met swawelsuur gerooster word, en daarna word die sulfate met water uitgeloog; 99 % suiwer litiumkarbonaat word relatief maklik uit die waterige fase herwin.