Verwydering van MoF6 en HF uit ’n helium-MoF6- gasmengsel

Removal of MoF6 and HF from a helium-MoF6 gas mixture

Abstract

Klydon het die aërodinamiese skeidingsproses (ASP) met die doel van isotoopverryking in molibdeen-100 vir die doeleindes van mediese-isotoopproduksie ontwikkel. Helium word as draergas saam met molibdeen in die vorm van molibdeenheksafluoried (MoF₆) tydens die proses gebruik. Die MoF₆ word as produk uit die heliumstroom verwyder deur dit uit te vries. Die helium moet gesuiwer word en indien waterstoffluoried (HF) of MoF₆ nog teenwoordig is, moet dit effektief verwyder word. Nadat verskillende moontlikhede van gasskeiding en verwydering van HF en MoF₆ ondersoek is, het die keuse op adsorbente geval met die oorwig van keuse op ioonuitruilharse. Die rede vir die keuse was dat harse maklik bekombare sintetiese polimeermateriale is, wat in staat is om spesifieke ione uit te ruil of vas te lê. As gevolg van die reaktiwiteit van beide MoF₆ en HF, is dit meer waarskynlik dat die twee reagense onomkeerbaar met die vaste stowwe reageer. Die eksperimente het getoon dat MN102 en A100Mo potensiaal het om MoF6 in die finale poleringsstap uit helium te verwyder. Verder het die eksperimente getoon dat alumina en koolstof moontlik die potensiaal het om HF selektief uit ’n heliumstroom te verwyder. Die resultate was nie verrassend nie want A100Mo is ’n makroporeuse, gemengde basisanioon hars, wat juis gebruik word om molibdeen uit suuroplossings te verwyder. MN102 is ’n makroporeuse hidrofobiese, swak basisanioon hars. Verdere studie en eksperimentering met ’n mengsel van HF en MoF₆ om die selektiewe reaksie van HF te ondersoek word dus sterk aanbeveel.