’n Festschrift ter ere van die wetenskaplike bydrae van prof Esté (HH) Vorster tot die studieveld van Voeding

Abstract

Wyle prof Esté (HH) Vorster (11 Januarie 1942–23 Junie 2020) was ’n wêreldbekende Suid-Afrikaanse voedingkundige. Tydens ’n akademiese loopbaan van meer as 45 jaar ontwikkel sy die vakgebied Voeding tot ’n multidissiplinêre domein met die slagspreuk van molekules tot die samelewing. Hierdie Festschrift poog om die diepte, omvang en impak van haar wetenskaplike bydrae tot die veld saam te vat deur 185 artikels te ontleed. Die bibliometriese resultate getuig van die toonaangewende navorsingsbydrae en baanbrekerswerk wat Vorster tydens haar loopbaan tot Voeding bygedra het.