DFT-evaluasie van bio-geïnspireerde Fe(II)-komplekse vir metaanoksidasie

DFT evaluation of bioinspired Fe(II) complexes for methane oxidation

Abstract

Petrochemiese brandstowwe bly die oorheersende energiebron van die 21ste eeu. Die benutting van hierdie energiebronne veroorsaak omgewings-, sowel as volhoubaarheidsbekommernisse (Olah, 2005; Ravi et al., 2017). Verbranding van petrochemiese brandstowwe stel skadelike gasse in die atmosfeer vry. Die ontwikkeling van skoon benuttingsprosesse van petrochemiese brandstowwe is dus kardinaal. Die uitputting van steenkool- en oliebronne veroorsaak dat meer aandag op natuurlike gas gerig word (Arutyunov, 2014). Daar word verwag dat die verbruik van natuurlike gas in die volgende twee dekades sal verdubbel (Conti et al., 2016).