Chloro-karboniel vastetoestand-wanordebepaling in Vaska tipe komplekse

Chloro-carbonyl disorder determination in Vaska-type complexes

Abstract

‘n Ondersoek na die effek van gemengde feniel-sikloheksiel gesubstitueerde ariel tersiêre fosfiene op die vastetoestandwanorde van die Cl–Rh–CO-groep in Vaska-tipe komplekse trans-[M(CO)Cl(PPh_nCy_3-n)₂], waar M = Rh(I) of Ir(I), Ph = C₆H₅, Cy = C₆H₁₁ en n = 1 of 2, word aangebied. Enkelkristal X-straalstrukture van 4 voorbeelde van die reeks word geraporteer en vergelyk met verwante strukture wat dikwels die wanorde van die Cl–Rh–CO-groep, wat deur kristallografiese simmetrie beheer word, openbaar. Digtheids funksionele teorie (DFT) geometrie-optimalisering en energieberekenings op konformere van hierdie komplekse dui aan dat die wanorde waarskynlik is. ‘n Onverwagte vastetoestandwanorde tussen feniel- en sikloheksielsubstituente van die fosfi ene word ook bespreek.