Korrosie-eienskappe van sagte staal in hidrofluoorsuur gekontamineer met salpetersuur
Corrosion characteristics of mild steel in contaminated hydrofluoric acid
Abstract
Tenks vervaardig van genormaliseerde sagte staal (kode SA516 Graad 70) is sedert 1993 vir die stoor en verspreiding van tegniese graad hidrofl uoorsuur (70% HF), in gebruik by die HF-aanleg op die Necsa-terrein. HF word kommersieel vervaardig deur die reaksie van kalsiumfl uoried met swaelsuur in ’n roterende buis-oond (CaF2 + H2SO4 → CaSO4 + HF). Blootstelling van sagte staal aan die HF-produk word geassosieer met ’n chemiese reaksie van die suur met die staal (2H+ + 2F- + Fe → H2 + FeF2), waardeur ’n skaallaag aan die binnekant van die tenk vorm. Die uniforme korrosielaag isoleer die rou staal van die HF-vloeistofi nhoud om sodoende korrosie te beperk. Deur middel van die beskermende skaallaag, is die korrosietempo van sagte staaltoerusting in gebruik op die HF-aanleg tipies ~0.5 mm/j.
