Referaatopsomming

Die ontleding van endokrienontwrigtende chemikalieë in water met behulp van sorptiewe ekstraksie, GC×GC-TOFMS en UPLC-MS/MS

M. Wooding, N. Aneck-Hahn, R. Bornman, E. Rohwer, Y. Naudé

Copyright: © 2016. The Author(s). Licensee: AOSIS.
This is an Open Access article distributed under the terms of the Creative Commons Attribution License, which permits unrestricted use, distribution, and reproduction in any medium, provided the original work is properly cited.

Abstract

Analysis of endocrine disrupting chemicals in water by sorptive extraction, GC×GC-TOFMS and UPLC-MS/MS. In this study, methods have been developed to detect endocrine disrupting chemicals in surface and drinking water. Pollutants were concentrated from water, using sorptive extraction, followed by analysis with comprehensive gas chromatography – time-of-flight mass spectrometry (GC×GC-TOFMS) and ultraperformance liquid chromatography tandem mass spectrometry (UPLC-MS/MS).

Navorsing wat die afgelope paar jaar aan die Universiteit van Pretoria gedoen is, dui daarop dat die vlak van endokrienontwrigtende chemikalieë (EOC [EDCs]) in die omgewing en in wilde diere in Suid-Afrika dieselfde of selfs hoër is as die vlak van EOC in ander lande (Aneck-Hahn et al. 2015). Veral watersisteme is kwesbaar omdat groot hoeveelhede EOC en hul afbraakprodukte uiteindelik in dié sisteme beland (Aneck-Hahn et al. 2007). Daar is ’n behoefte aan epidemiologiese data, asook die skep van publieke bewustheid, aangesien EOC-besoedeling in Suid-Afrika meer algemeen blyk te wees as wat aanvanklik gedink is (Aneck-Hahn et al. 2015). Die ontleding van EOC in komplekse omgewingsmatrikse is ’n uitdaging omdat dié verbindings teen ultraspoorvlakke voorkom (Comerton, Andrews & Bagley 2009). Tydens hierdie studie is analitiese metodes ontwikkel om farmaseutiese verbindings en plaagdoders op te spoor in oppervlak- en drinkwater met ’n spesifieke fokus op verbindings met ‘n potensiële endokrienontwrigtende aktiwiteit. Oplosmiddelvrye sorptiewe ekstraksie is gebruik vir die konsentrering van besoedelende stowwe uit water, gevolg deur ’n ontleding met behulp van omvattende gaschromatografie-vlugtydmassaspektrometrie (GC×GC-TOFMS) en ultraverrigting-vloeistofchromatografie-tandemmassaspektrometrie (UPLC-MS/MS).

Literatuurverwysings